სამთო და მადნის გამამდიდრებელი კომპლექსი Assarel-Medet JSC (www.asarel.com/en/Default.aspx) ბულგარეთის უდიდესი სამთო კომპანიაა. 2007 წელს სპილენძის მადნის წლიურმა მოპოვებამ შეადგენდა 11,000,000 ტ, ხოლო სპილენძის კონცენტრატის წარმოებამ - 180,000 ტ.


2008 წლის ივლისში ბულგარული სამთო კომპანია Assarel-Medet JSC-თან ხელი მოეწერა კონტრაქტს საკონსულტაციო მომსახურების შესახებ. კონტრაქტის საგანი - "საქართველოს სპილენძისა და ოქროს საბადოების და მადანგამოვლინებების მიმოხილვა".

პროექტის ჩარჩოები:

• საქართველოს ტერიტორიის საექსპერტო შეფასება სპილენძის და ოქროს ძებნა-ძიებისათვის პერსპექტიული ფართების და/ან საბადოების. კრიტერიუმები:  სპილენძის შემცველობა მადანში  1% მეტი და მინიმუმ 1 გ/ტ Au; მინიმალური მარაგები – 200,000 ტ Cu და 10 ტ Au.

ჩასატარებელი სამუშაოების ნუსხა:

•  მინერალური ნედლეულის შესახებ საკანონმდებლო ბაზის მიმოხილვა: ლიცენზიები, კონცესიები, საბადოების ძებნა-ძიება და ექსპლუატაცია, უცხოური ინვესტიციები და ეკონომიკური გარემო;
• საქართველოს სახელმწიფო ბალანსე მყოფი Cu და Au საბადოების/მადანგამოვლინებების ჩამონათვალი და საქართველოში მომუშავე Cu/Au სამთო კომპანიების ნუსხა;
• მონაცემები პოტენციურად პერსპექტიული Cu და Au საბადოების/მადანგამოვლინებების შესახებ საქართველოს შემდეგ რეგიონებში: აჭარა-თრიალეთი, სვანეთი, რაჭა და გურია.

მონაცემებს Cu და Au საბადოების/მადანგამოვლინებების შესახებ უნდა ახლდეს შემდეგი ტექნიკური მახასიათებლები:

ძირითადი ინფორმაცია:

• ადგილმდებარეობა - კოორდინატები; სატელიტური სურათები; არანაკლებ 1:50,000 მასშტების რუკები. გეოგრაფიული მონაცემები - უახლოესი დასახლებული პუნქტები და სხვა ობიექტები; მანძილი უახლოესი საავტომობილო გზებამდე, რკინიგზამდე და აეროპორტებამდე; ახლომდებარე სპეციალური რეგულაციების მქონე ტერიტორები: ნაკრძალები და ეროვნული პარკები, კურორტები და ა.შ.;
• ტოპოგრაფია, ჰიდროგრაფია და კლიმატური პირობები;
• არსებული ინფრასტრუქტურა: საავტომობილო რკინიგზები; ელექტროგადამცემი ხაზები და მაღალი ძაბვის ქვესადგურები; წყალმომარაგების სისტემები: წყალსაცავები, სატუმბო სადგურები, ირიგაციული სისტემები და წყალსადენები; ქონება და მისი სტატუსი: კერძო, მუნიციპალური ან სახელმწიფო ქონება; სასოფლო-სამეურნეო მიწები, ტყეები, შენობა–ნაგებობები და სხვ.; პროექტის მართვის შესაძლო სირთულეების აღწერა.

გეოლოგია:

• პოზიცია რეგიონალური მაკროსტრუქტურების მიმართ: გეოდინამიკა და მეტალოგენია;
• ლითო-ტექტონიკური ერთეულები;
• ტექტონიკური მაკროსტრუქტურები: პლიკატიური და დეზუნქტიური;
• მადნების შემცველი ქანების შეცვლები (მეტასომატოზი), მადნების თვისებები, მინერალოზაცია და ამ რაიონის სხვა მადანწარმომქნელი პროცესების მაჩვენებლები.

საბადოს გეოლოგიური სტრუქტურა:

• შემცველი ქანები და მათი შეცვლები (მატასომატოზი);
• საბადოს ტექტონიკური სტრუქტურა;
• გამადნების გენეტური მოდელი;
• მადნიანი სხეულების მოხაზულობა და პოზიცია, მადნების გენეტური ტიპები;
• ფლუიდური ნაკადების გავრცელება, მადანგამტარი სტრუქტურები;
• მადნების პარამეტრები;
• მადნების მინერალური და ქიმიური შედგენილობა.

მეთოდოლოგია, ჩატარებული ძებნა-ძიებითი სამუშაოების მოცულობა და ძირითადი შედეგები:

• გეოდეზიური სამუშაოები;
• გეოფიზიკური საძიებო სამუშაოები;
• საძიებო ბურღილები: ადგილმდებარეობა, გეოფიზიკური შესწავლა და ინკლინომეტრია;
• საძიებო შურფები და სამთო სამუშაოები;
• აღებული სინჯები;
• ლაბორატორიული ანალიტიკური შესწავლა, ხარისხის შიდა და გარე კონტროლი (მხოლოდ მეთოდოლოგია);
• ტექნოლოგიური შესწავლა (მხოლოდ მეთოდოლოგია).

მასალის ხარისხის მონაცემები:

• ლაბორატორიული შესწავლის შედეგები: მინერალოგია, ქიმიური შედგენილობა, ფიზიკურ-მექნიკური მახასიათებლები;
• ტექნოლოგიური შესწავლის შედეგები.

საბადოს რაიონის ჰიდროგეოლოგიური მონაცემები:

• წყალშემცველი და წყალგამძლე სტრუქტურები;
• წყალუხვობა: ჭაბურღილებიდან სეზონური ამოტუმბვა (მინიმალური და მაქსიმალური სიდიდეები).

საბადოს რაიონის სამთო მაჩვენებლები:

• ქანების ფიზიკო-მექანიკური მაჩვენებლები;
• ნასხლეტების სისტემა.

მარაგების დათვლის მონაცემები:

• მადანში ლითონის მინიმალური სამრეწვწლო შემცველობა და მინიმალური შემცველობის დასაბუთება;
• ბლოკების გამოყოფა და მეთოდოლოგიის დასაბუთება;
• მარაგების დათვლის მეთოდები;
• მარაგების/რესურსების დათვლა.

აუცილებელი გრაფიკული  დანართები:

• რუკების ჩამონათვალი; გეოლოგიური ჭრილები; ბურღილების დოკუმენტაცია; ბლოკების ჭრილები.

მარაგები დამტკიცებული სსრკ მარაგების კომისიის მიერ და ექსპერტთა გათვლები.

საბადოს/მადანგამოვლინების დამუშავების ლიცენზიის ან კონცესიის მიღების პირობები, მათ შორის ინფორმაცია ლიცენზიის მფლობელის (არსებობის შემთხვევაში) შესახებ: დასახელება ან გვარი, საკონტაქტო ინფორმაცია, შესაძლო სირთულეები/მზადყოფნა კოოპერაციისათვის.

საკონსულტაციო მომსახურების შედეგები ანგარიშის სახით გაეგზავნა დამკვეთს. სამუშაოების მიღება-ჩაბარების აქტი, კონტრაქტის თანახმად, გაფორმდა 2008 წლის ნოემბერში (შესაბამისი ცნობა იხილეთ ქვემოთ).