საკონსულტაციო კონტრაქტი კომპანია „Hunnewell Partners (BVI) Limited“-თან

2016 წლის 30 აგვისტოს ხელი მოეწერა კონტრაქტს საკომსულტაციო მომსახურეობის შესახებ კომპანია „Hunnewell Partners (BVI) Limited“-თან (ქ. ტორტოლა, ბრიტანული ვირჯინიის კუნძულები). პროექტი დასრულდა 2016 წლის ოქტომბერში.

კონტრაქტის საგანი - დასავლეთ საქართველოში მდებარე ჯვარისასა და გურნას კაოლინური თიხების საბადოების პერსპექტიულობის დადგენა.

ამ ხელშეკრულების შესრულების პერიოდში შესრულდა შემდეგი სამუშაოები:

• გაწმენდილი იქნა ტერიტორია მცენარეული საფარისაგან (ბალახი, ბუჩქნარი). პროცესს ესწრებოდა ლიცენზიის მფლობელი კომპანიის წარმომადგენელი. შეგროვილი იქნა სრული ინფორმაცია საბადოს შესახებ;
• საბადოზე ექსკავქტორის მეშვეობით გაითხარა 5 მეტრის სიღრმის თხრილები;
• ჩატარდა საძიებო სამუშაოები, აღებულ იქნა თიხის წარმომადგენლობითი სინჯები თხრილების სხვადასხვა დონეებიდან. ამან მოგვცა საშუალება ნათლად ყოფილიყო განსაზღვრული სხვადასხვა თიხის ხარისხები;
• თხრილების გათხრას ესწრებოდა და კვლევებს ატარებდა ამ სფეროში მომუშავე ორი წამყვანი გეოლოგი: ერთი - საქართველოს (GSP) წარმომადგენელი, მეორე კი საგანგებოდ მოწვეული სპეციალისტი იტალიიდან (კერამიკული თიხების ექსპერტი);
• საბადოებზე აღებული ნიმუში გაგზავნილი იქნა იტალიაში, სპეციალიზირებულ ლაბორატორიებში. ანალიზების ჩატარების მიზანი - განსხვავებული თიხების ხარისხის (კერამიკული წარმოებისათვის) დადგენა.

 ჩატარებული იყო შემდეგი ტესტები:

• სრული სილიკატური ანალიზი (silicate + L.O.I. at 1050°C) და ტესტები ორგანული ნივთიერებების შემცველობის შესახებ;
• ნარჩენი მასალის ტესტი (Residue > 63 µm);
• XRD მინერალოგიური ანალიზები;
•  MOR გაშრობის შემდეგ;
• კერამიკის გამოწვის ტესტები ელექტრო მუფელის ღუმელში 1160° C და 1190°C.

 საკონსულტაციო მომსახურეობის შედეგები ანგარიშის სახით გაეგზავნა დამკვეთს.